→

Кавказ және Орталық Азиядағы IB мектептері қауымдастығының (CCAAIBWS) төрағасы Франческо Банкини. Астана қаласына сапары барысында Astana Garden International School мектебіне келіп, оның қызметімен танысты.

Қонақты мектеп директоры Бауржан Шайхин және педагогикалық ұжым жылы қарсы алды. Кездесу мектептің дамуы, оның болашағы және CCAAIBWS ұйымының ортақ мақсаттарға қол жеткізуге қалай ықпал ете алатыны туралы ашық пікір алмасу алаңына айналды.

Франческо Банкини мектептің ұсыныстары мен идеяларын мұқият тыңдап, Қауымдастық тарапынан көрсетілетін қолдаудың ықтимал бағыттарын талқылады. Олардың қатарында бірлескен жобалар, кәсіби тәжірибе алмасу және IB білім берудегі инновацияларды дамытуға бағытталған өңірлік бастамалар бар.

CCAAIBWS ұйымы мүше мектептердің әлеуетін нығайту, серіктестік байланыстарды дамыту және өңірде болашаққа бағдарланған, қарқынды дамып келе жатқан IB мектептері желісін қалыптастыру бағытындағы жұмысын жалғастыруда.